Tuesday, November 21, 2006

Pal

..
Kabhie zindagi ki daud mein
Tezi se bhaagta hua
Phir teri hansti aankhon mein
Wohi pal mila hai ruka hua

Dekho zara is waqt ka
Bhi bachpana hai gaya nahin
Sab dhoondhte hain yahan-wahan
Hansta kahin, yeh chhupa hua

Tumse bataao kisliye
Yeh dushmani hai waqt ki
Tum aaye, aur woh chal diya
Jo tha lamha kab se thama hua

Pichhli mulaqaat mein
Kuchh pal tum bhool aaye the
Chaukhat ke shayad paas hai
Ek pal abhi bhi pada hua

Alsaaya sust ek pal
Aangan mein dhoop senkta
Ik bhoola-bisra lamha hai
Choolhe pe sulagta hua

Satrangi shaam bhi to yeh
Guncha hai rangeen phoolon ka
Yeh lamha tere naam ka
Hai indradhanush mein bandha hua

Tu hansta hai to saath mein
Yeh bhi to khilkhilaata hai
Gusse mein teri baaton se
Phir dil ko cheerta hua

Humne to intezaar mein
Dariya yeh baandh rakha tha
Tumhe yaad karte hi bah chala
Jo yuun hua, to kya hua

Aa jaao ki din thak gaya
Sooraj ne aankhein moond lii
Dekho diya hai bujh raha
Pal uD rahe hain dhuaan-dhuaan
.

7 comments:

Raja said...

did you write this?

Kanupriya said...

:((
kya Raja, u've posted the same comment for last 3 posts [-(
yes, I wrote this

Baadal said...

ek aur acchi rachna..

pata nahi kaha tak sahi hoon par is kriti ke bhaav toh kaphi acche hain par link missing hai(ye bhi ho sakta hai bhaav kuch jyada hi gahre hain aur meri samajh se bahar hon).

Baadal said...

"Dekho zara is waqt ka
Bhi bachpana hai gaya nahin
Sab dhoondhte hain yahan-wahan
Hansta kahin, yeh chhupa hua

Tumse bataao kisliye
Yeh dushmani hai waqt ki
Tum aaye, aur woh chal diya
Jo tha lamha kab se thama hua"

just see in one para you are expressing the delightement another one is something sad. May be it can be your style.

Kanupriya said...

yes, u're right. I was almost sleeping when I wrote this :)

Raja said...

What else would I do? Your writing has changed completely. It used to be a talented kid talking to elders 'bout simple things. Now it's a mature girl talking to peers with well-chosen words!

Kanupriya said...

@Raja
thanks :)
but u're still free to post comments at a mature girl's blog :-p

Related Posts Plugin for WordPress, Blogger...